රෂිකා හෙන්නායක පෙබරවාරි 18, කොළඹ (LNW):
රත්නපුර ගැටන්ගම ප්‍රදේශයේ වායූ ගුණාත්මකභාවය ඒකක 108 – 116ත් අතර අගයක පවතින අතර ඇඹිලිපිටිය නගරයෙන් වාර්තා වන වායු ගුණාත්මකභාවය ඒකක 100-108ත් අතර අගයක සටහන් වි ඇති බව ජාතික ගොඩනැගිලි පර්යේෂණ සංවිධානය නිකුත් කළ වාර්තාවට අනුව පෙන්වා දේ.
වායු ගුණාත්මක දර්ශකයට අනුව වායු ගුණාත්මකභාවය ඒකක 50ට අඩුවෙන් පැවතිම යහපත් වුවත්, මේ වනවිට කොළඹ, යාපනය, කුරුණෑගල, මහනුවර, කෑගල්ල, ගාල්ල ඇතුළු දිවයිනේ ප්‍රදේශ රැසක වායු ගුණාත්මකභාවය පවතින්නේ ඒකක 60 ඉක්ම වූ අගයකයි.
ජාතික ගොඩනැගිලි පර්යේෂණ සංවිධානය සඳහන් කරන්නේ, නුවරඑළිය මාගස්තොට ප්‍රදේශයේ වායූ ගුණාත්මකභාවය ඒකක 44 – 52 ත් අගයක පවතින අතර, ස්වසන අපහසුතා ඇති පුද්ගලයින් මේ පිළිබඳ විමසිලිමත් විය යුතු බවයි.
