රෂිකා හෙන්නායක පෙබරවාරි 21, කොළඹ (LNW):
ආචාර්ය ගල්ලෑල්ලේ සුමනසිරි හිමියෝ ශ්රී ලංකා රජරට විශ්වවිද්යාලයේ කුලපති ධුරයෙන් ඉල්ලා අස්වී තිබේ.
උන්වහන්සේ පසුගිය 10 වනදා රජරට විශ්වවිද්යාලයේ කුලපති ලෙස පත්කර තිබුණු අතර,ආචාර්ය ගල්ලෑල්ලේ සුමනසිරි හිමියන් ජනාධිපති ලේකම් වෙත ලිපියක් යොමු කරමින් සිය ඉල්ලා අස්වීම දැනුම්දී ඇති බව සඳහන් වේ.
තමන් වහන්සේ බාරගත් කුලපති ධුරය යම් පාර්ශ්වයක සිත් තැවුලකට හෝ බේදකාරී මත ගොඩනැගීමට, සංඝ සමගිය බිඳවැටීමට හේතු වන්නේ නම් එම තනතුරට වඩා අප අතර පවතින සංඝ සාමග්රිය උතුම් කොට සලකමි යනුවෙන් උන්වහන්සේ සිය ඉල්ලා අස්වීම් ලිපියේ දක්වා ඇති බව සඳහන් වේ.
