එළඹෙන සිංහල – හින්දු අලුත් අවුරුදු සමයෙන් පසු මුදල් අමාත්ය ධුරයෙහි වෙනසක් සිදුවනු ඇති බව දේශපාලන ආරංචිමාර්ග පවසයි.
ඒ අනුව, දැනට ජනාධිපති අනුර කුමාර දිසානායක මහතා යටතේ පවතින මුදල් අමාත්ය ධුරය වෙනත් අයෙකුට ලබාදීමට යෝජනා වී ඇති බව සඳහන්.
නව මුදල් අමාත්යවරයා වශයෙන් පත්කිරීමට යෝජනා වී ඇත්තේ ආර්ථිකයට අදාළ ක්ෂේත්ර ගණනාවක අත්දැකීම් සම්භාරයක් ඇති මෙරට ප්රධානතම ව්යාපාරිකයකු බවත් ආරංචිමාර්ග ප්රකාශ කළේය.
මේ සම්බන්ධයෙන් දෙපාර්ශවය අතර තවමත් සාකච්ඡා සිදුවෙමින් පවතින බවත් මෙතෙක් අවසන් එකඟතාවකට පැමිණ නොමැති බවත් ආරංචිමාර්ග වැඩිදුරටත් සඳහන් කළේය.
