විස්වාසභංග යෝජනාවක් පාර්ලිමේන්තුවට ඉදිරිපත් කිරීම හරහා ජනාධිපතිවරයා ධුරයෙන් ඉවත් කිරීම කිසිසේත්ම සිදුකළ නොහැකි බව නීතිඥ, ආචාර්ය ප්රතිභා මහානාමහේවා මහතා පවසනවා. ආණ්ඩුක්රම ව්යවස්ථාවට අනුව එවැනි හැකියාවක් නොමැති බවයි ඔහු පෙන්වා දෙන්නේ.
ව්යවස්ථාවට අනුව ජනාධිපතිවරයා ඉවත් කළ හැකි එකම ක්රමය දෝෂාභියෝග යෝජනාවක් ගෙනඒම බවත්, එයද එතරම් පහසු ක්රියාවලියක් නොවන බවත් මහානාමහේවා මහතා සඳහන් කරනවා.
ජනාධිපතිවරයාට එරෙහිව ඉදිරිපත් වන දෝෂාභියෝගය සඳහා පාර්ලිමේන්තුව නියෝජනය කරන මන්ත්රීවරුන්ගෙන් අවම වශයෙන් තුනෙන් දෙකක් අත්සන් කළයුතු බවත් ඉන්පසු එය කතානායකවරයාට බාරදිය යුතු බවත් පෙන්වා දෙන නීතිඥවරයා පවසන්නේ කතානායකවරයා එය පාර්ලිමේන්තු න්යාය පුස්තකයට ඇතුළත් කරනු ලබන්නේ දෝෂාභියෝග යෝජනාවේ ඇතුළත් චෝදනා පිළිබඳව සෑහීමකට පත්වන්නේ නම් පමණක් බවයි.
අදාල චෝදනා සම්බන්ධයෙන් ශ්රේෂ්ඨාධිකරණයද සෑහීමට පත්විය යුතු බවද ඔහු පෙන්වා දෙනවා.
ආණ්ඩුවට හෝ අගමැතිවරයාට හෝ විස්වාසභංග යෝජනාවක් ඉදිරිපත් කරන ආකාරයෙන් ජනාධිපතිවරයාටද විස්වාසභංග යෝජනාවක් ගෙන ආ හැකි යැයි කවුරුන් හෝ සිතන්නේ නම් එය සම්පූර්ණයෙන්ම ආණ්ඩුක්රම ව්යවස්ථාවට පටහැනි බවත් එවැනි යෝජනාවක් බාරගැනීමට කතානායකවරයාටද නොහැකි බවත් ප්රතිභා මහානාමහේවා මහතා පවසනවා.
UN
