සටහන – රුවන් නෙළුගොල්ල
මොරටුව, එගොඩඋයන දුම්රිය ස්ථානයේ මගී ගුවන් පාලම හදිසියේ කඩාවැටී තිබේ.
ඊයේ (මාර්තු 26) රාත්‍රී 07.40 ට පමණ මෙම ගුවන් පාලම කඩාවැටී ඇත.
ගාල්ල දෙසට දුම්රියක් ධාවනය වී මඳ වේලාවකට පසු මෙසේ එම මගී ගුවන් පාලම කඩාවැටී ඇති බව සඳහන්.
කෙසේවෙතත් එය කඩා වැටෙන අවස්ථාවේ ඒ මතින් කිසිදු මගියෙකු ගමන් කර නොමැති අතර ඒ හේතුවෙන් කිසිදු පුද්ගලයකුට අනතුරක් සිදුව නොමැති බවත් වාර්තා විය.
දුම්රිය දෙපාර්තමේන්තුවේ කාර්මික නිලධාරීන් සහ විදුලිබල මණ්ඩලයේ නිලධාරීන් පැමිණ දුම්රිය මාර්ගය හරහා කඩාවැටී ඇති පාලමේ සුන්බුන් කොටස් ඉවත් කිරීමට කටයුතු කරන ආකාරය දැක ගැනීමට ලැබිණි.
