රෂිකා හෙන්නායක මාර්තු 28, කොළඹ (LNW):
අනුරාධපුර ශික්ෂණ රෝහලේ වෛද්‍යවරියකට දූෂණය කළ සැකකරු එම වෛද්‍යවරිය විසින් හඳුනාගැනීමේ පෙරෙට්ටුවේදී හඳුනාගත් බව වාර්තා වේ.
අනුරාධපුර මහේස්ත්‍රාත්වරයාගේ නිල කාමරයේ දී හඳුනාගැනීමේ පෙරෙට්ටුව පැවැත්වුණු බව සඳහන් වේ.එහිදී සැකකරු හඳුනාගැනීමට වෛද්‍යවරියට හැකිවූ බව පැවසේ.
වෛද්‍යවරිය බිය ගන්වා ලිංගික හිංසනයට ලක් කිරිමේ සිද්ධියට අදාළ සැකකරු පැය 24ක් යාමටත් පෙර ගල්නෑව ප්‍රදේශයේදී අත්අඩංගුවට ගැනීමට පොලිසිය හැකි වූ අතර, ඒ සඳහා පොලිස් කණ්ඩායම් 05ක් යොදවා තිබුණි.අත්අඩංගුවට ගැනීමෙන් පසු අධිකරණයට ඉදිරිපත් කළ සැකකරු රක්ෂිත බන්ධනාගාර ගත කිරීමට පියවර ගැනුණි.
