පසුගිය දිනවල පැවති දන්ත ධාතු ප්රදර්ශනයේදී පෝලිම්වල ගැටුම් ඇති කළේ විපක්ෂය විසින් ඒ සඳහාම සුදු ඇඳුම් අන්දවා පෝලිමට එවූ ගෝලයින් කණ්ඩායම් විසින් බව වැවිලි හා ප්රජා යටිතල පහසුකම් අමාත්ය සමන්ත විද්යාරත්න පවසයි.
“අපේ බැතිමත්තු සාමාන්යයෙන් ඔය වගේ වන්දනාවකට යනකොට ඇත්ත බෞද්ධයෙක් නම් පෝලිමේ කෑකෝගහන්නෙ නෑ, ගහගන්නෙ නෑ. ඔය ඔක්කෝම කළේ කවුද දන්නවාද ? සජිත්ගෙ ගෝලයෝ, රාජපක්ෂලාගෙ ගෝලයෝ, වික්රමසිංහගෙ ගෝලයෝ සුදු ඇඳලා පෝලිමේ තැනින් තැනට දැම්මා. දාලා අර අහිංසක ජනතාව අතරට ගිහිල්ලා මත හැදුවා ‘අන්න අතනින් 500ක් දැම්මා, මේ දැන් දැම්මෙ, අතන වැසිකිළි නෑ, අතන කුණු’ කියලා. මේ ඔක්කෝම අවුල් කරන්න බැලුවා සුළු සුළු සිද්ධි ටිකක් ලොකු ලොකු සිද්ධි කරලා”
සමන්ත විද්යාරත්න අමාත්යවරයා මේ බව පැවසුවේ ඊයේ (29) පැවති ජාතික ජන බලවේගයේ මැතිවරණ ප්රචාරක රැස්වීමකදී ය.
