වර්තමානයේ රට තුළ ඝාතන වැඩිවීමක් දක්නට ලැබෙන්නේ අපරාධකරුවන්ට දේශපාලන රැකවරණයක් නොලැබෙන නිසා බව අග්‍රාමාත්‍ය හරිනි අමරසූරිය මහත්මිය පවසයි.
ප්‍රශ්නය – දැන් රට තුළ අපරාධ වැඩිවීමක් තියෙනවා. ඊයෙ දිනයේදී අපි දැක්කා ගල්කිස්සේදීත් පන්න පන්නා ගිහින් වෙඩි තියනවා. රජයක් විදියට ඇයි නීතිය සම්බන්ධයෙන් ඉතාම නිද්‍රාශීලී මට්ටමක ඉන්නේ ?
“නිද්‍රාශීලී නෑ මං හිතන්නෙ. ඔබ දන්නවා දැන් ඇතිවෙලා තියෙන තත්වය තුළ අපරාධ රැල්ලට, ඒ අපරාධකරුවන්ට, කල්ලිවලට දේශපාලන රැකවරණයක් නෑ. ඒ දේශපාලන රැකවරණය නැතිවීමත් සමග මේ කැළඹීම එනවා. එතකොට ඔවුන් අතර තියෙන ප්‍රතිවිරෝධතාත් වෙනදාට වඩා ඉස්මතු වෙනවා. ඒක තමා ස්වභාවයෙන්ම සිද්ධවෙන්නෙ අර දේශපාලන රැකවරණය ඒගොල්ලොන්ට අහිමි වෙනකොට. ඒකෙ ප්‍රතිඵලයක් හැටියට තමා අපි දකින්නෙ. අපි හිතනවා ඒකට පොලීසිය නිසි විදියට පිළිතුරු සපයයි. අපිට නීතිය හා සාමය පවත්වාගෙන යන ආයතනවලටත් මීට වඩා හොඳින් දේවල් කළ යුතුයි කියලා අපිත් ඒ ස්ථාවරයේ ඉන්නවා. නමුත් අර දේශපාලන රැකවරණය මේ කල්ලිවලට නැතිවුණාම ඒ අය අතර ඇතිවෙලා තියෙන කැළඹීමක ප්‍රතිඵලයක් තමයි මේ පේන්න තියෙන්නෙ”
හරිනි අමරසූරිය අග්‍රාමාත්‍යවරිය මේ බව පැවසුවේ අද (මැයි 06) දිනයේදී මාධ්‍යවේදීන් නැඟූ ප්‍රශ්නයකට පිළිතුරු දෙමිනි.
