සටහන – රුවන් නෙළුගොල්ල
ඩෙංගු සහ චිකන්ගුන්යා යන රෝග දෙකම මේවන විට වසංගත තත්ත්වයේ පවතින බව ශ්‍රී ලංකා වෛද්‍ය සංගමයේ හිටපු සභාපති, විශේෂඥ වෛද්‍ය ආනන්ද විජේවික්‍රම මහතා පවසයි.
“දැන් මේ දිනවල ඩෙංගු රෝගීන් සහ චිකන්ගුන්යා රෝගීන්, මේ දෙකම වසංගත තත්වයන්වල තමයි තියෙන්නේ. මේ දෙකම බෝ කරන්නෙ එකම මදුරුවා. අනිත් අතට මේ රෝග දෙකේම රෝග ලක්ෂණ මුල් අවස්ථාවේදී බොහෝදුරට සමානයි”
විශේෂඥ වෛද්‍ය ආනන්ද විජේවික්‍රම මහතා මේ බව පැවසුවේ ඊයේ (මැයි 30) පැවති ශ්‍රී ලංකා වෛද්‍ය සංගමයේ මාධ්‍ය හමුවක් අමතමිනි.
