රෂිකා හෙන්නායක ජුනි 02, කොළඹ LNW :
කෘෂිකාර්මික සහ ඒ ආශ්‍රිත කටයුතුවලදී ශ්‍රී ලංකාවට අවශ්‍ය සහාය ලබාදීමට චීනය එකඟතාව පළකර ඇති අතර, චීනය ප්‍රකාශ කරන්නේ, කෘෂිකාර්මික කටයුතු වලට අදාලව ශ්‍රී ලංකාවේ ආයෝජනය කිරීමට සූදානම් බවයි.
චීන ශ්‍රී ලංකා කෘෂිකාර්මික කටයුතු පිළිබද විශේෂ සාකච්ඡාවක් ගොවිජන මන්දිරයේ දී පැවැත්වුණු අතර, දෙරටේ කෘෂි අංශයට සම්බන්ධ නිලධාරීන් ඊට එක්ව තිබුණි.
මෙහිදී, ශ්‍රී ලංකාවේ වත්මන් කෘෂිකාර්මික තත්ත්වය සම්බන්ධයෙන් කෘෂිකර්ම දෙපාර්තමේන්තුවේ අධ්‍යක්ෂ ජනරාල් තුෂාර වික්‍රමආරච්චි මහතා කෙටි හැදින්වීමක් සිදුකළ අතර, වත්මන් රජය ආහාර සුරක්ෂිතතාව කෙරෙහි අවධානය යොමුකරමින් කෘෂි ව්‍යාවසයකින් බිහිකිරීම කෙරෙහි වැඩි අවදානයක් යොමුකර ඇති බව ඒ මහතා මෙහිදී පැවසීය.
චීන නියෝජිත පිරිස පැවසුවේ, ශ්‍රී ලංකාවට අවශ්‍ය සහයෝගය ලබාදෙන අතර කෘෂිකාර්මික ක්ෂේත්‍රයේ ආයෝජනයට ද සූදානම් බවයි.
