අග්‍රාමාත්‍ය ධුරය භාරගැනීම සම්බන්ධයෙන් විපක්ෂ නායක සජිත් ප්‍රේමදාස මහතා විසින් ඊයේ (12) දහවල් ජනාධිපති ගෝඨාභය රාජපක්ෂ මහතා වෙත යැවූ ලිපියට ජනාධිපතිවරයා පිළිතුරු ලිපියක් යොමුකර තිබේ.
නව රජයක් පිහිටුවීම සම්බන්ධයෙන් තමන් මුලින්ම ආරාධනා කළේ සජිත් ප්‍රේමදාස මහතාට වූ නමුත් ඒ මහතා එය ප්‍රතික්ෂේප කිරීම තුළ අනෙකුත් පක්ෂ සමඟත් සාකච්ඡා කර ඒවායේ ප්‍රතිඵලයක් වශයෙන් රනිල් වික්‍රමසිංහ මහතාව අග්‍රාමාත්‍ය තනතුරට පත්කිරීමට තමන් කටයුතු කළ බවයි ජනාධිපතිවරයා එහි පෙන්වා දී ඇත්තේ.
එමෙන්ම පවතින දේශපාලන අර්බුදයට විසඳුම් සෙවීම ජාතික අවශ්‍යතාවයක් ලෙස සලකා සමගි ජන බලවේගයේ යම් පිරිසක් කැබිනට් මණ්ඩලයට ඇතුළත් කිරීමට එකඟ වන්නේ නම් ඒ සම්බන්ධයෙන් නොපමාව දැනුම් දෙන ලෙසත් ජනාධිපතිවරයා තම ලිපියෙන් සජිත් ප්‍රේමදාස මහතාට ආරාධනා කර තිබේ.
RN