කොළඹ LNW:ආයතන සංග්‍රහයට පිටින් යමින් මහමැතිවරණයට අපේක්ෂකයෙකු ලෙස ඉදිරිපත් වීම හේතුවෙන් වෛද්‍ය රසායනාගාර කාර්මික විද්‍යාඥ, වෘත්තීය සමිති ක්‍රියාකාරික රවී කුමුදේශ් මහතාගේ වැඩ තහනම් කර තිබේ.
2024.10.10 දින සිට ක්‍රියාත්මක වන පරිදි මෙලෙස වැඩ තහනම් කර ඇති අතර ඔහුට වැටුප් ඇතුළු දීමනා හිමි නොවන බව සෞඛ්‍ය හා ජනමාධ්‍ය අමාත්‍යාංශය ලිපියක් නිකුත් කරමින් සඳහන් කරයි.
ඒ අනුව ඔහු සන්තකයේ බඩුබාහිරාදිය වේ නම් ඒවා ආයතන ප්‍රධානියා විසින් නම් කරන නිසි නිලධාරියෙක් වෙත භාර දිය යුතු බවටද දන්වා තිබේ.
එසේම ඊට අදාළව විනය ක්‍රියාමාර්ග ගන්නා තුරු ඔහුට විදෙස් ගත වීමටද වළක්වා ඇත.
ආශිකා බ්‍රාහ්මණ
