මිරිහානේ පිහිටි ජනාධිපති ගෝඨාභය රාජපක්ෂ මහතාගේ නිවස අසල පැවති විරෝධාතාවක් අතරතුර හමුදා බස් රථයකට ගිනිතැබීමේ සිද්ධියට අදාළව සැකකරුවෙකු අපරාධ පරීක්ෂණ දෙපාර්තමේන්තුව විසින් අත් අඩංගුවට ගෙන තිබේ.
ඊයේ (19) දිනයේදී දැරණියගල ප්‍රදේශයේදී මෙම සැකකරු අත් අඩංගුවට ගෙන ඇති බව සඳහන්.
විජේරාම ප්‍රදේශයේ මෝටර් රථ අමතර කොටස් ආයතනයක සේවය කරන 42 හැවිරිදි විවාහක පුද්ගලයෙකු වන මෙම සැකකරු අද (20) අධිකරණයට ඉදිරිපත් කිරීමට නියමිතය.
දැඩි පොලිස් සහ හමුදා රැකවල් ඇති ස්ථානයක මෙම බස් රථය ගිනිතැබීමේ සිදුවීම සිදුවූයේ පසුගිය මාර්තු 31 වනදා වන අතර ඊට සැකකරුවෙකු අත් අඩංගුවට ගැනීමට පොලිසියට දින 49ක කාලයක් ගතවීම විශේෂත්වයකි.
RN
