කොළඹ LNW:මේ වන විට මතුව තිබෙන බහාලුම් රථ තදබදය ඉදිරි සතිය තුළ විසඳීමට කටයුතු කරන බවට නියෝජ්ය රේගු අධ්යක්ෂ ජනරාල් සමඟ ඊයේ (26) පස්වරුවේ පැවති සාකච්ජාවේදී පොරොන්දු වූ බව බහාලුම් ප්රවාහන රථ හිමිකරුවන්ගේ සංගමයේ සභාපති සනත් මංජුල මහතා අද (27) මාධ්ය හමුවක් පවත්වමින් පැවසුවේය.
ඒ අනුව පවතින තත්ත්වය නිරාකරණය කරගැනීම සඳහා ජනාධිපතිවරයාද මැදිහත්වනු ඇති බවට විශ්වාස කරන බවයි ඔහු සඳහන් කළේ.
ආනයනික භාණ්ඩ මෙරටට පැමිණෙන දින වකවානු ගැන අදාළ සියලු පාර්ශව දැනුවත් හෙයින් තදබදයක් ඇති වීම වළක්වා ගැනීමට කටයුතු කරන ලෙස රේගු නිලධාරීන්ගෙන් ඉල්ලසිටි බවද ඔහු පැවසුවේය.
දැනට පවතින තදබදය කඩිනමින් විසඳිය යුතු වන අතර ඉදිරියේදී ආනයනික සහල් තොග මෙරටට පැමිණීමට නියමිත හෙයින් නැවත වරක් තදබදයක් ඇති විය හැකි බවද මංජුල මහතා කියාසිටියා.
”ඊයේ දිනය වන විට ආහාර ද්රව්ය සහිත බහාලුම් පරීක්ෂණ අංගන වෙත යොමුකර එම කටයුතු සිදුවෙනවා. අපි බලාපොරොත්තු වෙන්නෙත් මේ කඩිනම් සේවාව අඛන්ඩව පවත්වාගෙන යන්න. ඊට අවශ්ය ආයතනික සහය ලබාදීමට නියෝජ්ය රේගු අධ්යක්ෂක කටයුතු කරන බව පැවසුවා. තදබදය විසඳීමට අවශ්ය හොඳ තීන්දු තීරණ කිහිපයක්ම ගත්තා.” යනුවෙන් ඔහු වැඩිදුරටත් සඳහන් කරන ලදී.
ආශිකා බ්රාහ්මණ
