සමගි ජන බලවේගයේ කළුතර දිස්ත්‍රික් පාර්ලිමේන්තු මන්ත්‍රී ජගත් විතාන සිය පාර්ලිමේන්තු මන්ත්‍රී ධුරයට අදාළ වැටුප් සහ දීමනා විස්තර අඩංගු පත්‍රිකා ප්‍රසිද්ධ කර තිබේ.
ඒ, සිය ෆේස්බුක් පිටුව හරහා ය.
සාමාන්‍යයෙන් පාර්ලිමේන්තු මන්ත්‍රී වැටුප් ගැන විමසීමේදී කිසිදු දේශපාලන පක්ෂයක මන්ත්‍රීවරයකු මෙතෙක් සෘජු පිළිතුරක් ලබාදී නොමැති අතර ඔවුන් බොහෝවිට පවසන්නේ මූලික වැටුප වශයෙන් ලැබෙන රුපියල් 54,000 කට ආසන්න මුදල ගැන පමණි.
ඒ අනුව, පූර්ණ විනිවිදභාවයෙන් යුතුව ජගත් විතාන මන්ත්‍රීවරයා සිය වැටුප් ලේඛන ප්‍රසිද්ධ කිරීම අගය කළයුතු කටයුත්තකි.
පාර්ලිමේන්තු මන්ත්‍රීවරයකුට මේ වැටුප ප්‍රමාණවත්ද, නැතිද, වැඩිද, මදිද යන්න වෙනම කතා කළයුතු මාතෘකාවකි.
