සටහන: සශිකලා මධුෂාණි
ජුලි 30; ලෝකය(අවුට්බවුන්ඩ් ටුඩේ): අද(30)අලුයම රුසියාවේ කම්චැට්කා අර්ධද්වීපයට බලපෑ රිච්ටර් මාපකයේ 8.8 ක ප්‍රබල භූ කම්පනයක් හේතුවෙන් කම්චැට්කා හි සමහර ප්‍රදේශවල මීටර් 3-4 (අඩි 10-13) ක උසකින් යුත් සුනාමි රළ වාර්තා වී තිබේ.
මෙහි බලපෑම යටතේ පළමු රළ උතුරු ජපානයේ හොක්කයිඩෝ වෙත බලපා ඇති අතර එය හොක්කයිඩෝ හි නගරයකට සෙන්ටිමීටර 30 (අඟල් 12) ක රළ පහරක් එල්ල වී ඇති අතර පසුව රළ විශාල විය හැකි බවට බලධාරීන් අනතුරු අඟවා ඇත.
මිට මතරව ජපානයේ කාලගුණ විද්‍යා ඒජන්සිය අනතුරු අඟවා ඇත්තේ ජපානයේ සමහර ප්‍රදේශවලට මීටර් 3 (අඩි 9.8) ක් තරම් උස රළ පහරක් එල්ල විය හැකි බවයි.
ඇමරිකා එක්සත් ජනපදය විසින් මේවන විට ඇලස්කාව සහ හවායි මෙන්ම එක්සත් ජනපද දූපත් භූමිය වන ගුවාම් සහ මයික්‍රොනීසියාවේ අනෙකුත් දූපත් සඳහා ද සුනාමි අනතුරු ඇඟවීම් නිකුත්කර ඇත.
