සටහන: සශිකලා මධුෂාණි
අගෝස්තු 04; ලෝකය(අවුට්බවුන්ඩ් ටුඩේ): යේමනයට ඔබ්බෙන් ගල්ෆ් අරාබි රටවල බලා ගිය සංක්‍රමණික බෝට්ටුවක් පෙරලීම හේතුවෙන් 54 මියගොස් ඇති බව වාර්තා වේ.
ගැටුම් සහ දරිද්‍රතාවයෙන් පලා යන සිය ගණනක් පුද්ගලයින් මෙලෙස ශෝකජනක ලෙස මියගොස් ඇති අතර ඉතියෝපියානු සංක්‍රමණිකයන් 154 දෙනෙකු සමඟ යාත්‍රාව පැවති අයහපත් කාලගුණික තත්වය හේතුවෙන් ඊයේ(03) අලුයම දකුණු යේමනයේ අබ්යාන් පළාතට ඔබ්බෙන් වූ ඒඩන් බොක්කෙහි ගිලී ගිය බව යේමනයේ ජාත්‍යන්තර සංක්‍රමණ සංවිධානයේ (IOM) ප්‍රධානියා තහවුරු කර තිබිණි.
කරන ලද විශාල සෝදිසි කිරීමේ මෙහෙයිම් වලින් අනතුරුව නැව් සුන්බුන් වලින් දිවි ගලවා ගත්තේ 12 දෙනෙකු ආරක්ෂිතව සොයාගෙන ඇති අතර ඛාන්ෆාර් දිස්ත්‍රික්කයේ වෙරළට ගසාගෙන ආ පුද්ගලයින් 54 දෙනෙකුගේ මළ සිරුරු වලට අමතරව ඉතිරි අය අතුරුදහන් වී මිය ගොස් ඇතැයි සැලකේ,
මෑත මාසවලදී නැව් සුන්බුන් වලින් සිය ගණනක් මිය ගොස් හෝ අතුරුදහන් වී ඇති බවට IOM ඇස්තමේන්තු කර ඇති පරිදි, රැකියා සොයමින් අප්‍රිකාවේ අඟේ සිට ගල්ෆ් අරාබි රාජ්‍යයන් වෙත ගමන් කරන සංක්‍රමණිකයින් සඳහා යේමනය තවමත් ප්‍රධාන මාර්ගයකි.
අවදානම් තිබියදීත්, බොහෝ සංක්‍රමණිකයන් මෙම සංචාරය දිගටම කරගෙන යන අතර, 2024 දී පමණක් 60,000 කට වැඩි පිරිසක් යේමනයේ සිට ගල්ෆ් රටවල් බලා පැමිණ තිබේ.
