අත්අඩංගුවට ගැනීමෙන් අනතුරුව බන්ධනාගාර නිලධාරීන්ගේ ආරක්ෂාව යටතේ ශ්රී ජයවර්ධනපුර රෝහලේ ප්රතිකාර ලබමින් සිටි දුමින්ද සිල්වා මහතා එම රෝහලෙන් නිදහස් කිරීමෙන් අනතුරුව බන්ධනාගාරගත කිරීමට ඊයේ (03) පස්වරුවේ සූදානම් වුවත් ඔහුව නැවතත් රෝහල්ගත කර ඇති බව වාර්තා වේ.
අදාළ රෝහලෙහි 18 වැනි වාට්ටුවේ ප්රතිකාර ලැබූ දුමින්ද සිල්වා මහතාව ඊයේ පෙරවරුවේ රෝහලෙන් නිදහස් කර තිබුණත් නැවතත් අසනීප වීම නිසා මෙසේ රෝහල්ගත කෙරුණු බවයි බන්ධනාගාර නිලධාරීන් පවසන්නේ.
භාරත ලක්ෂ්මන් ප්රේමචන්ද්ර ඝාතනය සම්බන්ධයෙන් වැරදිකරු වී මරණීය දණ්ඩනය නියම වී සිටි දුමින්ද සිල්වා මහතාව ජනාධිපති ගෝඨාභය රාජපක්ෂ මහතා විසින් ජනාධිපති සමාව යටතේ නිදහස් කෙරුණ ද එම සමාව ලබාදුන් ක්රමවේදය පිළිබඳව ශ්රේෂ්ඨාධිකරණයට ඉදිරිපත් වූ පෙත්සමක් හේතුවෙන් අදාළ සමාව තාවකාලිකව අත්හිටුවීමට අධිකරණය විසින් නියෝග කෙරිණි.
ඒ අනුව ඒ මහතාව යළි අත් අඩංගුවට ගැණුනු අතර එයින් පසු ඔහු මෙසේ රෝහල්ගතව සිටී.
RN
සබැඳි පුවත් –
