කොළඹ LNW:මත්ද්‍රව්‍ය හා පාතාල ක‍්‍රියාකාරකම් මර්ධනය කිරීම අරමුණු කර ගෙන මහජන ආරක්ෂක හා පාර්ලිමේන්තු කටයුතු අමාත්‍යංශයේ පූර්ණ අධීක්ෂණය යටතේ ශ්රී ලංකා පොලීසිය, පොලිස් විශේෂ කාර්ය බලකාය හා ත‍්‍රිිවිධ හමුදාව එක්ව දෛනිකව සිදුකරන මෙහෙයුම්වලට අදාළව ඊයේ (05) දිනයේදී මත්ද්‍රව්‍ය සම්බන්දයෙන් පුද්ගලයන් 853 දෙනෙකු අත්අඩංගුවට ගෙන ඇති අතර අපරාදවලට සෘජු ලෙස සම්බන්ධ පුද්ගලයන් 17 දෙනෙකුද වරෙන්තකරුවන් 380 දෙනෙකුද අත්අඩංගුවට පත්ව ඇත.
ඊයේ දිනය පුරා ශ්රී ලංකා පොලීසියේත්,පොලිස් විශේෂ කාර්ය බලකායේත් ත‍්‍රිවිධ හමුදාවේත් 5944 දෙනෙකු සම්බන්ධ වී මෙම විශේෂ සෝදිසි මෙහෙයුම් සිිදු කර තිබේ. එහිදී පුද්ගලයන් 23856 දෙනෙක්ද වාහන 9300ක්ද යතුරු පැදි 7613ක ප‍්‍රමාණයක්ද පරීක්ෂාවට ලක් කර තිබේ.
එම මෙහෙයුම් තුළදී නීති විරෝධී ගිනි අවි 08ක්ද අත්අඩංගුවට ගෙන ඇති අතර ඉන් 07ක් දේශීය ගිනි අවි වන අතර එක් ගිනි අවියක් විදේශීිය ගිනි අවියකි.
එමෙන්ම මෙකී මෙහෙයුම් අතරතුරදී මහාමාර්ගයේ රථවාහන වැරදි සම්බන්ධයෙන් ද මෙහෙයුම් පුළුල් කර ඇති අතර ඒ අනුව බීමත් රියදුරන් 101ක සංඛ්‍යාවක් අත්අඩංගුවට ගැනීමට සමත්ව ඇත. එමෙන්ම අපරීක්ෂාකාරී රිය ධාවනය ඇතුළු රථවාහන වෙනත් වැරදි සම්බන්දයෙන් පුද්ගලයන් 3335ක් සදහාද ශ්රී ලංකා පොලීසිය මගින් නෛතික පියවර ගෙන ඇත.
මත්ද්‍රව්‍ය මෙරටින් තුරන් කර දැමීම සදහාත් සංවිධානාත්මක අපරාදකරුවන් මර්දනය කිරීම සදහාත් මහජන ආරක්ෂක හා පාර්ලිමේන්තු කටයුතු අමාත්‍යංශයේ සෘජු අධීක්ෂණයත් ශ්රී ලංකා පොලීසියේ හා ත‍්‍රිවිධ හමුුදාවේ මැදිහත් වීමත් මත සෝදිසි මෙහෙයුම් දෛනිකව ක‍්‍රියාත්මක කිරීමට තීරණය කර තිබේ.
