2011දී සිය සැමියා වන භාරත ලක්ෂ්මන් ප්රේමචන්ද්ර ඇතුළු පිරිස වෙඩි තබා ඝාතනය කරන තෙක් පසෙකට වී බලාසිටි ඉහළ පොලිස් නිලධාරියා සහ පසුගිය මැයි 09 වැනිදා ගෝඨා ගෝ ගම අරගලකරුවන්ට මැරයන් පහර දෙන විට බලා සිටි ඉහළ පොලිස් නිලධාරියා යන දෙදෙනාම එක් අයෙක් බව සුමනා ප්රේමචන්ද්ර මහත්මිය අද (04) කොළඹදී පැවති මාධ්ය හමුවකදී පැවසුවාය.
මේ මොහොතේ එය තමන් විශේෂයෙන් සඳහන් කර තබන බවයි ප්රේමචන්ද්ර මහත්මිය සඳහන් කළේ.
එමෙන්ම මරණ දඬුවම ලැබ දඬුවම් විදින 9000ක පමණ පිරිසක් අතරින් දුමින්ද සිල්වා පමණක් ජනාධිපතිවරයාට විශේෂ වූයේ ඇයිද යන්න තමන් ජනාධිපතිවරයාගෙන් විමසා සිටින බව ඇය ප්රකාශ කරන ලදී.
මේ අතර දුමින්ද සිල්වා වැනි බොරුකාර,මිනීමරුවන්ව ආරක්ෂා නොකර වෛද්ය වෘත්තියේ ගෞරවය ආරක්ෂා කරන ලෙස සමස්ත වෛද්ය ප්රජාවෙන්ම ඉල්ලා සිටින බවද ඇය කියා සිටියාය.
ASK
