රෂිකා හෙන්නායක අගෝස්තු 11, කොළඹ LNW:
ලබන සැප්තැම්බර් 24 වැනිදා , ජනාධිපති අනුර කුමාර දිසානායක මහතා නිව්යෝර්ක් නුවර පැවැත්වෙන එක්සත් ජාතීන්ගේ මහා මණ්ඩල සැසිවාරයට සහභාගිවීමට නියමිතව ඇති අතර, ඒ සඳහා සහභාගී වීමට ජනාධිපතිවරයා සැප්තැම්බර් 23 වැනිදා අමෙරිකාව බලා පිටත්ව යාමට නියමිත බව වාර්තා වේ.
සංචාරය අතර තුර ජනාධිපතිවරයා අමෙරිකාවේ වෙසන ශ්‍රි ලාංකික ප්‍රජාව හමුවීමට ද නියමිතව ඇති අතර, අනතුරුව නිල සංචාරයක් සදහා ජනාධිපතිවරයා ජපානය බලා පිටත්ව යාමට නියමිතයි. එම සංචාරයේදී ජනාධිපතිවරයා ජපානයේදී පැවැත්වෙන ශ්‍රී ලාංකික දින උත්සවයට සහභාගිවීමට ද නියමිතව ඇති බවද වාර්තා වේ.
