සෑම බ්‍රහස්පතින්දා දිනකම “Trendy Thursday” තුළින් ඔබට Fashion trends, tech gadgets, social media trends, influencer styles, නවතම ලෝකයේ AI තාක්ෂණය මෙන්ම එකී නොකී මෙකී සියල්ලන්ගේම මනා අවබෝධයක් ලබා ගත හැකි වනු ඇත. රැඳී සිටින්න අප සමඟ!
සටහන – පුලී
අගෝස්තු 14, කොළඹ (LNW): දුටුවන් මවිත කරවන සෙලීනා ගෝමස්ගේ රූපලාවන්‍ය සන්නාමය වන Rare Beauty එහි ප්‍රථම සුවඳ විලවුන් වර්ගය වන Rare Eau de Parfum දියත් කර ඇති අතර එය දැන් Sephora සහ RareBeauty.com වෙතින් ලබා ගත හැකිය.
Rare Eau de Parfum යනු කැරමල්, පිස්ටාචියෝ සහ රෝස මුසු වුණ නෝට්ස් සමඟින් එන ආකර්ෂණීය, ස්පයිසස් සුවඳක් සහිත වැනිලා, ඉඟුරු සහ කොකෝවා වලින් අනූන, වෂී කරවන සුවඳක් සහිත විලවුන් වරගයකි.
එය පැය 12 කට වඩා කාලයක් සුවඳ පවතින විලවුන් වර්ගයක් වන අතර මිලි ලීටර් 50 බෝතලය ඇමරිකානු ඩොලර් 75 ක් පමණ වන බවයි ආරංචි වන්නේ.
ගමන් බිමන් යාමේ දී සුවඳවත්ව යෑමට කැමති අය සඳහා, පහසුවට අතේ ගෙනයෑමට ද එහි ප්‍රමාණයක් පවතී, එය ඇමරිකානු ඩොලර් 30 ක් පමණ බව ද සැලකේ.
මෙහි මූලාරම්භයෙහි සිට අවසාන නිමැවුම දක්වා වසර දෙකක පමණ කාලයක් ගත වූ අතර, එම කාලයෙන් වැඩි කාලයක් සුවඳ විලවුන් සඳහා ergonomic බෝතල් නිර්මාණය කිරීම සඳහා කැප කරන ලදී.
බෝතලය විවෘත කිරීම ද ඉතා පහසු වනු ඇත.
දිගු කලක් Lupus රෝගයට එරෙහිව සටන් කළ සෙලීනා, එකළ ඇයට වතුර බෝතලයක් විවෘත කිරීම පවා ඇයට අපහසු වූ බව පවසා ඇත.
එය මනසේ තබාගෙන, ඇය පැහැදිලි කරන්නේ, “බෝතලයේ ඇඹරුම් සහ අගුළු යාන්ත්‍රණයක් සහිත බවත්, එපමණක් නොව එහි පියන ආරක්ෂිතව පවතින බවත් එය ලිහිල් නොවන බවත් සහතික වන බවයි.”
