පළාත් සභා මැතිවරණයක් පැවැත්වීම අනවශ්ය බවත් ඒවා දැනට පවතින ආකාරයෙන්ම පවත්වාගෙන යනු ඇති බවත් ධීවර, ජලජ සහ සාගර සම්පත් නියෝජ්ය අමාත්ය රත්න ගමගේ මහතා පවසයි.
“පළාත් සභා … ? එහෙම එකක් ඕනෙ ? නැහැනෙ නේ ? ඕනෙයි කියලා හිතනවාද ? නැහැනෙ නේ ? ඔහෙ යන්න පුළුවන්. දැන් ජනාධිපතිතුමා ඉන්නවා, කැබිනට් මණ්ඩලයක් තියෙනවා, පාර්ලිමේන්තුව තියෙනවා, ප්රාදේශීය සභා තියෙනවා. පළාත් සභා ඕනෙත් නැහැ නෙ. ඔහොම යාවි දැන් ඔය විදිහට”
නියෝජ්ය අමාත්ය රත්න ගමගේ මහතා මේ බව පැවසුවේ ඊයේ (16) පැවති උතසවයකින් අනතුරුව මාධ්ය වෙත අදහස් දක්වමිනි.
පළාත් සභා මැතිවරණ වසර ගණනාවකින් පවත්වා නොමැති අතර දැනට ඒවායේ බලය ජනාධිපතිවරයා විසින් සෘජුවම පත්කරන ආණ්ඩුකාරවරුන් සතුව පවතී. ඒ අනුව පළාත් සභා මැතිවරණයක් නොපවත්වා ආණ්ඩුකාරවරුන් යටතේම දිගටම පළාත් සභා පවත්වාගෙන යාමට ආණ්ඩුව සූදානමින් සිටින බවක් නියෝජ්ය අමාත්යවරයාගේ ප්රකාශයෙන් පෙන්නුම් කෙරේ.
