නිශ්මං රණසිංහ අගෝස්තු 28, කොළඹ LNW:
ශ්‍රී ලංකා ක්‍රිකට් ආයතනය පළමු පන්තියේ ක්‍රීඩා සමාජවල ක්‍රිඩකයන්ට සහ සහය කාර්ය මණ්ඩලවලට ලබා දෙන රක්ෂණ ප්‍රතිලාභ ලබා දීම අඛණ්ඩව තුන්වන වසරටත් ප්‍රදානය කිරීම ආරම්භ විය. ශ්‍රී ලංකා ක්‍රිකට් විධායක කමිටුව විසින් සභාපති ෂම්මි සිල්වා මහතාගේ නායකත්වය යටතේ හඳුන්වා දුන් මෙම මුලපිරීම, සුදුසුකම් ලත් සෑම ක්‍රීඩකයෙකුටම සහ සහායක කාර්ය මණ්ඩල සාමාජිකයෙකුටම හිමිවනු ඇත.
2023 ඇරඹි මෙම රක්ෂණ වැඩ සටහන යටතේ, සෑම ක්‍රීඩකයෙකුටම හෝ සහායක කාර්ය මණ්ඩල සාමාජිකයෙකුටම පුද්ගලික අනතුරු ආවරණයක් සහ වෛද්‍ය ආවරණයක් හිමිවේ.මේ සඳහා ක්‍රීඩකයින් 20 දෙනෙකු සහ සහායක කාර්ය මණ්ඩල සාමාජිකයින් පස් දෙනෙකු සුදුසුකම් ලබයි.
ඒ අනුව, 2025/26 වාරයේ දී තරඟ කරන ප්‍රමුඛ ක්‍රීඩා සමාජ 14 ක ක්‍රීඩකයින් 280 දෙනෙකුට සහ කණ්ඩායම් සහායක කාර්ය මණ්ඩලය 70 දෙනෙකුට මෙම යෝජනා ක්‍රමයෙන් ප්‍රතිලාභ ලබනු ඇත.
රක්ෂණ ආවරණයක් ලබා දෙන ලදී.
” ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා පවසන්නේ,මෙම පියවර හරහා, වෘත්තීයමය වශයෙන් ක්‍රීඩාවේ නියැලී සිටින අපගේ පළමු පන්තියේ ක්‍රිකට් ක්‍රීඩකයින්ට සහ සහායක කාර්ය මණ්ඩලය සඳහා හොඳම පහසුකම් සැපයීම ශ්‍රී ලංකා ක්‍රිකට් ආයතනයේ අරමුණෙ බවයි.. ඉහළ මට්ටමේ සුභසාධන ප්‍රතිලාභ ලබා දීම ප්‍රමුඛ පෙළේදී ශක්තිමත් සහ සෞඛ්‍ය සම්පන්න ක්‍රීඩක සංචිතයක් පවත්වා ගැනීමට ද මෙය උපකාරයක් වන බවයි.
