සටහන – රුවන් නෙළුගොල්ල
අත්අඩංගුවට ගැනීම සඳහා වරෙන්තු නිකුත් කර තිබෙන හිටපු අමාත්ය රාජිත සේනාරත්න මහතා මේවන විට කොළඹ මහාධිකරණයට පැමිණ තිබේ.
ඔහුට එරෙහිව අල්ලස් කොමිසම විසින් ගොනුකර තිබෙන නඩුවක්ද අද (29) කොළඹ මහාධිකරණ විනිසුරු ලංකා ජයරත්න මහත්මිය හමුවේ කැඳවීමට නියමිත අතර තවත් නඩුවක් අද දිනයේදීම කොළඹ මහේස්ත්රාත් අධිකරණය හමුවේ ද කැඳවීමට නියමිතව ඇත.
රාජිත සේනාරත්න මහතාව අත් අඩංගුවට ගැනීම සඳහා පසුගිය මාස කිහිපයක් තිස්සේම පොලීසිය උත්සාහ කළ නමුත් ඔහු සිටින තැනක් සොයාගැනීමට පොලීසියට හැකියාවක් ලැබී තිබුණේ නැත.
