රෂිකා හෙන්නායක අගෝස්තු 31, ලෝකය (අවුට්බවුන්ඩ් ටුඩේ):
2007 වසරේ දී එවක ජනාධිපති ෆෙලිපේ කැල්ඩෙරොන් ආරම්භ කළ මත්ද්‍රව්‍යවලට එරෙහි මෙහෙයුම් හේතුවෙන්, මෙක්සිකෝව පුරා අතුරුදහන් වූවන් 130,000ක් සොයා දෙන්නැයි බල කරමින් දහස් ගණනක පිරිසක් විරෝධතාවල නිරත වන බව වාර්තා වේ.
බලහත්කාරයෙන් සිදු කළ අතුරුදහන් කිරීම් ඉස්මතු කිරීමට හා ඔවුන් සොයා දෙන්නැයි රජයට බල කරමින් මෙක්සිකෝව පුරා මෙම විරෝධතා පැවැත්වුනු අතර, විරෝධතා සහ පා ගමන් හේතුවෙන් එරට අගනුවර ගමනාගමනය ද ඇණහිට තිබුණි.
විදෙස් වාර්තා සඳහන් කරන්නේ, 1996 දී අවසන් වූ ගෝතමාලා සිවිල් යුද්ධයේදී 40,000 ක් අතුරුදහන් වූ අතර, එමෙන්ම 1976 සහ 1983 අතර ආර්ජන්ටිනා හමුදා පාලනය යටතේ ද 30,000 ක් පමණ අතුරුදහන් වූ බවයි.
මෙක්සිකෝවේ මෙම අතුරුදහන් වීම් ලතින් ඇමරිකාවෙන් වාර්තා වී ඇති වැඩිම අතුරුදන්වීම් සංඛ්‍යාවද වන බව වැඩි දුරටත් විදෙස් මාධ්‍ය වාර්තා කරයි.
