රෂිකා හෙන්නායක සැප්තැම්බර් 02, කොළඹ LNW:
මෙම සතිය ඇතුළත 05 ශ්‍රේණිය ශිෂ්‍යත්ව විභාගයේ ප්‍රතිඵල නිකුත් කරන බව විභාග දෙපාර්තමේන්තුව පවසයි.
එම දෙපාර්තමේන්තුව පැවසුවේ, එම විභාගයේ උත්තර පත්‍ර පරික්ෂා කිරීම පසුගිය 22 වනදා සිට 27 වනදා දක්වා සිදු කෙරුණු බවයි.
පසුව , එක් එක් දරුවන් ලබාගත් ලකුණුවලට අදාල දත්ත පරිගණක ගත කෙකෙරුණු අතර, විභාග දෙපාර්තමේන්තුව වැඩිදුරටත් පැවසුවේ , එම ප්‍රතිඵල පරික්ෂා කිරීමේ කටයුතු මෙම දිනවල සිදු කෙරෙන බවයි.
2025 වසරට අදාළ 05 ශ්‍රේණිය ශිෂ්‍යත්ව විභාගය පසුගිය අගෝස්තු 10 වනදා පැවැත් වුණු අතර, දිවයින පුරා මධ්‍යස්ථාන 2,787කදී පැවති එම විභාගයට පෙනී සිටි සිසුන් ගණන 307,951කි.
විභාග දෙපාර්තමේන්තුව මීට පෙර ප්‍රකාශ කළේ මෙවර 05 ශ්‍රේණිය ශිෂ්‍යත්ව විභාග ප්‍රතිඵල සැප්තැම්බර් 20 වනදාට පෙර නිකුත් කරන බවයි.
