සටහන: සශිකලා මධුෂාණි
සැප්තැම්බර් මස 05: ලෝකය(අවුට්බවුන්ඩ් ටුඩේ): වායු දුෂණය හේතුවෙන් ස්නායු සෛල විනාශ කරන විෂ සහිත ප්‍රෝටීන් පොකුරු සෑදීම හේතුවෙන් ඩිමෙන්ශියා රෝගයක් ඇති කළ හැකි බව පර්යේෂණවලින් පෙනී ගොස් තිබේ.
මෙම සොයාගැනීම එක්සත් ජනපදයේ ජෝන්ස් හොප්කින්ස් විශ්ව විද්‍යාලයේ ස්නායු විශේෂඥයෙකු සහ අධ්‍යයනයේ ප්‍රධාන විමර්ශක ආචාර්ය ෂියාඕබෝ මාඕ ඇතුළු කණ්ඩායම විසින් අනාවරණය කරගෙන තිබේ.
මේ වෙනුවෙන් එක්සත් ජනපදයේ මෙඩිකෙයාර් රෝගීන් මිලියන 56.5 ක රෝහල් වාර්තා විශ්ලේෂණය කරන ලද අතර 2000 සිට 2014 දක්වා කාලය තුළ ප්‍රථම වරට ඇතුළත් කරන ලද ප්‍රෝටීන් හානිය පිළිබඳව ඔවුන් සොයා බලා ඇත. රෝගීන්ගේ PM2.5 දූෂණයට ඔවුන් දිගු කාලීනව දුෂිත වායු වලට නිරාවරණ වීම, මිලිමීටරයකින් 2.5 දහසකට වඩා කුඩා වාතයේ අංශු ඇස්තමේන්තු ගත කර ඇත. මේවා ආශ්වාස හරහා මෙනහළු වලට ගැඹුරින් තැන්පත් වන බව හඳුනාගෙන ඇති අතර රුධිර ප්‍රවාහයේ, මොළයේ සහ අනෙකුත් අවයවවල දක්නට ලැබී තිබේ.
මේ සමබන්ධයෙන් විද්‍යාඥයින් සඳහන් කර තිබුණේ, මෙම තත්වය වයස හෝ ජාන විද්‍යාව මෙන් නොව, මෙය අපට වෙනස් කළ හැකි දෙයක් වන බවත්, වාහන වලින් විෂ දුම් පිටවීම නියාමනය, ලැව්ගිනි කළමනාකරණය වැඩිදියුණු කිරීම සහ නිවාසවල දර දැවීම අඩු කිරීම මගින් වාතයේ ගුණාත්මකභාවය වැඩි දියුණු කිරීම හරහා ලොව පුරා මිලියන ගණනකට බලපාන ස්නායු පරිහානීය ආබාධය වැළැක්වීම සඳහා සාමුහිකව කටයුතු කළ යුතු බවයි.
