කොළඹ LNW:ජනාධිපතිවරුන්ගේ හිමිකම් අවලංගු කිරීමේ පනත් කෙටුම්පත් සම්බන්ධ ශ්රේෂ්ඨාධිකරණ තීන්දුව මේ වන විට කතානායකවරයාට ලැබී ඇති අතර එම තීන්දුව එළැඹෙන අඟහරුවාදා දිනයේ දී කතානායකවරයා විසින් සභාගත කිරීමට නියමිතයි.
අනතුරුව ඉදිරි සතිය තුළ දීම පනත් කෙටුම්පත සම්මත කර ගැනීමට රජය අපේක්ෂා කරන අතර ජනාධිපතිවරුන්ගේ හිමිකම් අවලංගු කිරීරමේ පනත සම්මත වීමෙන් පසුව විශ්රාම වැටුප හැර හිටපු ජනාධිපතිරු භුක්ති විදින බොහෝ වරප්රසාද අහෝසි වනු ඇති.
අහෝසිවන වරප්රසාද අතර ප්රධාන වන්නේ නිවසක් භුක්ති විදීමේ අවස්ථාවයි.
දැනට හිටපු ජනාධිපතිවරු අතරෙන් රජයෙන් ලබා දී තිබෙන නිවසක් භුක්ති විදින්නේ හිටපු ජනාධිපති මහින්ද රාජපක්ෂ මහතා පමණක් බව වාර්තා වන අතර පනත සම්මත විමෙන් පසුව හිටපු ජනාධිපති මහින්ද රාජපක්ෂ නීතියට හිස නමා විජේරාම නිල නිවසින් පිටව යන බවයි ශ්රී ලංකා පොදුජන පෙරමුණේ මහලේකම් සාගර කාරියවසම් පවසා තිබුණේ.
