රෂිකා හෙන්නායක සැප්තැම්බර් 10 ,කොළඹ LNW :
ඇඹිලිපිටිය පොලීසිය විසින් , සම්පත් මනම්පේරි නමැත්තාට අයත් බව කියන මෝටර් රථයක් සොයාගෙන තිබෙන බව වාර්තා වේ.
ඒ, ඇඹිලිපිටිය නව නගරය ප්‍රදේශයේ ගරාජයක් තුළ තිබියදී වන අතර, ගරාජයේ හිමිකරුගෙන් සිදුකළ ප්‍රශ්න කිරීම්වලදී අනාවරණය වී ඇත.
මීට දින කිහිපයකට පෙර පැමිණි පුද්ගලයෙකු විසින් මෙම මෝටර් රථය සම්පත් මනම්පේරිට ලබාදෙන ලෙස පවසමින් එය එම ස්ථානයේ දමාගොස් ඇති බවත් වැඩිදුරටත් වාර්තා වී ඇත.
සංවිධානාත්මක අපරාධ කල්ලි සමාජිකයෙකු වූ කෙසෙල්බද්දර පද්මේ නැමැත්තාට අයත් බව කියන, මිද්දෙණියේදී සොයාගත් අයිස් මත්ද්‍රව්‍ය නිෂ්පාදනය කිරීම සඳහා යොදා ගන්නා අමුද්‍රව්‍ය අඩංගු බහාලු‍ම් දෙක සඟවා තැබූ බව කියන සිද්ධිය සම්බන්ධයෙන් සම්පත් මනම්පේරි නමැත්තාට චෝදනා එල්ලවී තිබෙන අතර,පසුගියදා පියල් මනම්පේරි නමැත්තාගේ සහෝදරයෙකු වන සම්පත් මනම්පේරි නමැත්තාගේ පක්ෂ සාමාජිකත්වය තහනම් කිරීමට ද ශ්‍රී ලංකා පොදුජන පෙරමුණ පියවර ගෙන තිබුණි.
