සටහන: සශිකලා මධුෂාණි
සැප්තැම්බර් මස 12: ලෝකය(අවුට්බවුන්ඩ් ටුඩේ): හමුදා කුමන්ත්‍රණයක් සැලසුම් කිරීමේ චෝදනාවට වරදකරු වූ බ්‍රසීලයේ හිටපු ජනාධිපති ජෙයාර් බොල්සොනාරෝට වසර 27ක් සහ මාස තුනක සිර දඬුවමක් නියම කර ඇති බව වාර්තා වේ.
2022 මැතිවරණයෙදී ඔහුගේ වාමාංශික ප්‍රතිවාදියා වූ ලුයිස් ඉනාසියෝ ලූලා ද සිල්වාට පරාජය වීමෙන් පසු ඔහු බලය රඳවා ගැනීම අරමුණු කරගත් කුමන්ත්‍රණයකට නායකත්වය දීම සම්බන්ධයෙන් චෝදනා පහකට වැරදිකරු කර පැය කිහිපයකට පසු ශ්‍රේෂ්ඨාධිකරණ විනිසුරුවරුන් පස් දෙනෙකුගෙන් යුත් මණ්ඩලයේ බහුතර එකඟතාව මත මෙම දඬුවම නියම කර ඇත.
70 හැවිරිදි බොල්සොනාරෝගේ නීතිඥයින් ඔහුගේ දඬුවම් කාලය අඩු කර ගැනීමට හා සිරගෙට යැවීම වෙනුවට නිවාස අඩස්සියේ තබා ගත යුතු බවට අභියාචනයක් ඉදිරිපත් කිරීමට සුදානම් වන බව වාර්තා වන නමුත් නීති විශේෂඥයින් පවසා ඇත්තේ මෙය දුෂ්කර විය හැකි බවයි.
