මේ වන විට රට තුළ මතුව තිබෙන ආහාර අර්බුයට වගකිව යුතු වන්නේ එදා කාබනික වගාව ගැන උපදෙස් දී දැන් සැඟවී සිටින රතන හාමුදුරුවන්, වෛද්ය පාදෙණිය වැනි පුද්ගලයින් බව සමස්ත ලංකා රැකියා විරහිතවූවන්ගේ සංගමය පැවසුවේය.
රටට බලපා තිබෙන ආර්ථික අර්බුදය හේතුවෙන් කෘෂි ක්ෂේත්රයේ නියැලෙන්නන්ගේ රැකියාවට බලපා ඇති ගැටළු පිළිබඳ සාකච්ජා කිරීමට හා ඊට විසඳුම් යෝජනාවලියක් භාර දීමට අද (14) සමස්ත ලංකා රැකියා විරහිතවූවන්ගේ සංගමය කෘෂිකර්ම අමාත්යාංශයට පැමිණි අතර එහිදී අමාත්ය මහින්ද අමරවීර මහතා සමඟ සාකච්ජාවක් පැවැත්විණි.
අනතුරුව මාධ්ය වෙත අදහස් දක්වමින් එම සංගමයේ සභාපති සුමිත් ප්රියශාන්ත මහතා පවසුවේ රටේ පවතින ආර්ථික තත්ත්වය මත විශාල පිරිසකට කෘෂි කෂේත්රයේ රැකියා අහිමිව තිබෙන බවයි.
තවදුරටත් මෙම හානිය වළක්වා ගැනීම සඳහා කළ යුතු දේවල් පිළිබඳ අමාත්යවරයාව දැනුවත් කළ බවද ඔහු සඳහන් කළේය.
ASK
