සටහන – රුවන් නෙළුගොල්ල
තව වසර 10කට සරිලන තරම් මත්කුඩු සහ මත්ද්‍රව්‍ය ප්‍රමාණයක් රට තුළ පවතින බව නිවාස නියෝජ්‍ය අමාත්‍ය ටී. බී. සරත් මහතා පවසයි.
“මරු අප්පච්චි ! අඬනවා, වැළපෙනවා දැන් යනකොට, අප්පච්චි බේරාගන්න. බේරාගන්න නම් ඕනෙ අප්පච්චි…. තව අවුරුදු 10කටවත් මේ රටේ කුඩු වසංගතය අවසන් කරන්න අමාරුයි. ඒ තරම් කුඩු තියෙනවා. අද මත්ද්‍රව්‍ය ගෙන ඒම නතර කළත් තව අවුරුදු 10කට මත්පෙති, මත්ද්‍රව්‍ය තියෙනවා ලංකාව ඇතුළෙ. ලංකාවට ගෙනල්ලා තියෙන මත්ද්‍රව්‍ය ප්‍රමාණයේ හැටියට පොළව යට තියෙන ප්‍රමාණය හැටියට, ගබඩා කරලා තියෙන ප්‍රමාණය හැටියට තව අවුරුදු 10කටවත් මේ රටේ කුඩු වසංගතය අවසන් කරන්න අමාරුයි, ඒ තරම් කුඩු තියෙනවා”
ටී. බී. සරත් නියෝජ්‍ය අමාත්‍යවරයා මේ බව පැවසුවේ පසුගියදා පොලොන්නරුව දිඹුලාගල ප්‍රදේශයේ පැවති උත්සවයකින් අනතුරුව මාධ්‍ය වෙත අදහස් දක්වමිනි.
