නිශ්මං රණසිංහ සැප්තැම්බර් 24, කොළඹ LNW:
ජාතික ඔලිම්පික් කමිටුවේ උප සභාපතිත්වය දරන ශිරන්ත පිරිස් සතුව පෞද්ගලික වෙඩි පිටියක් පවතින බවට කරන චෝදනාව ගැන ඔහු සභාපතිත්වය දරන කොළඹ නෙළුම් කුළුණ සමාගමේදී පැවති මාධ්‍ය සාකච්ඡාවකදී අප විසින් විමසන්නට යෙදිණ.
එහිදී ශිරන්ත පීරිස් පෙන්වා දුන්නේ එය සඳහා තමන් වියදම් දරමින් සකසා දීම ඇත්ත වුව ද,එම වෙඩි පිටිය පාලනය කරන්නේ සහ අයිතිය ඇත්තේ ක්‍රීඩා සමාජයකට බවයි
ලංකාවේ වෙඩි තැබීමේ ක්‍රීඩාව වෙනුවෙන් තම පෞද්ගලික ධනය වැය කර එම වෙඩි පිටිය සකසා වෙඩි තැබීමේ ක්‍රීඩාව කරගෙන යාම සඳහා භාර දී ඇති බවත්,එය පෞද්ගලික තමන්ගේ එකක් හැටියට භාවිතා නොකරන බවත් ශිරන්ත එහිදී අදහස් දක්වමින් පැවසීය.
