රෂිකා හෙන්නායක සැප්තැම්බර් 24, කොළඹ LNW :
වලාන මධ්යම දුෂණ මර්ධන ප්රහාරක ඒකකය විසින් කොළඹ මහනගර සභාවේ බොරැල්ල කාර්යාලයේ සේවකයෙකු අත්අඩංගුවට ගෙන තිබේ. ඒ, මත්ද්රව්ය ජාවාරමේ නිරත වු බව කියන චෝදනාව මතයි.
රැදවුම් නියෝග ලබාගෙන ඔහුගෙන් ප්රශ්ණ කරමින් සිටින බව පොලීසිය සඳහන් කළේය. මෙලෙස අත්අඩංගුවට ගෙන ඇත්තේ , බොරැල්ල සීවලි පාරේ පදිංචි 47 හැවිරිදි පුද්ගලයෙකි.සැකකකරු බොරැල්ල කැම්බල් පිටිය පිටුපස ඇති කාර්යාලයේ සිට අයිස් මත්ද්රව්ය ඇසුරුම් කර අළෙවි කිරිමේ ජාවාරමේ නිරතව ඇති බව පොලීසිය අනාවරණය කර තිබේ.
සංවිධානාත්මක අපරාධ කරුවන්ගෙන් සැකකරුට අයිස් මත්ද්රව්ය ලැබෙන බව ද අනාවරණ වු බවත්, ඔහු සතුව තිබි අයිස් ග්රැම් 20කට අධික ප්රමාණයක් සොයාගෙන ඇති බවත්, පොලීසිය සඳහන් කරයි.
