රෂිකා හෙන්නායක ඔක්තෝබර් 06, කොළඹ LNW :
අද (06) දින තංගල්ල කොට්ඨාශ අපරාධ විමර්ශන කාර්යාංශය හමුවේ පෙනී සිටීමට නොහැකි බව හිටපු අමාත්‍ය විමල් වීරවංශ මහතා දන්වා ඇති අතර, ඒ සඳහා වෙනත් දිනයක් ලබාදෙන ලෙස වීරවංශ මහතා ඉල්ලා ඇති බව වාර්තා වේ.
ඒ අනුව වීරවංශ මහතාට ලබන ඉරිදා (12) දින තංගල්ල කොට්ඨාශ අපරාධ විමර්ශන කාර්යාංශය වෙත පැමිණෙන්නැයි දන්වා ඇත.
බෙලිඅත්තේ සනා නැමැති පුද්ගලයා සම්බන්ධයෙන් සිදුකල ප්‍රකාශයක් සම්බන්ධයෙන් කරුණු විමසීම සඳහා අද පෙරවරු 10.00ට වීවරංශ මහතාව එලෙස කැඳවා තිබුණු අතර, තංගල්ලේදී මත්ද්‍රව්‍ය සොයා ගැනීමේ සිද්ධියට අදාල යාත්‍රාව සමග අත් අඩංගුවට ගත් බෙලිඅත්ත සනා නැමැත්තාගෙන් මේ වන විට රැඳවුම් නියෝග මත ප්‍රශ්න කරමින් සිටින බවද සඳහන් වේ.
