ගෝඨාභය රාජපක්ෂ ජනාධිපතිවරයා දැන් කරුණාකර ඉල්ලා අස්විය යුතු අතර ඔහු සාර්ථක වෙනතුරු ජනතාවට බලා සිටිය නොහැකි බව ප්‍රවීණ රංගන ශිල්පිනී දමිතා අබේරත්න මහත්මිය අවධාරණය කළාය.
ඒ, අද (24) මර්දනයට එරෙහි කලාකරුවන් විසින් පැවැත්වූ මාධ්‍ය හමුවේදීය.
තවදුරටත් ජනාධිපතිවරයා ලෙස මේ රට තුළ ගෝඨාභය රාජපක්ෂ මහතා සිටිය යුතු නැති බවයි ඇය පෙන්වාදුන්නේ.
රටට ආදරය කරන නායකයෙක් බව දැන් හෝ ඔප්පු කළ යුතු බව අබේරත්න මහත්මිය අවධාරණය කළාය.
ජනතා පරමාධිපත්‍යයට කන්දීමට තරම් හෘද සාක්ෂියක් ඔහුට නැති බවයි ඇය පැවසුවේ.
”මිනිස්සු බඩගින්නේ මැරුණත් වෙඩි කාලා මැරුණත් ගානක් නැහැ. සොබා දහම හරිම දරුණුයි මහත්තයෝ. අනිවාර්යයෙන්ම මේ කරන දේවල්වලට රිටර්න් එක දෙනවමයි. මම කියන්නේ හොයා ගන්න යන්න නිරයක්.”
කෙසේවෙතත් අරගලය ජයග්‍රහණය කරන තෙක් එය නොනවතින බවද ඇය සඳහන් කරන ලදී.
ASK
