සටහන – රුවන් නෙළුගොල්ල
මහජන ආරක්ෂක නියෝජ්ය අමාත්ය සුනිල් වටගල මහතා වාචිකව නිවැරදිකිරීමක් සිදුකළ ද ජාතික ජන බලවේගයේ පාර්ලිමේන්තු මන්ත්රීනී ලක්මාලි හේමචන්ද්ර මෙනවිය පසුගියදා පැවති රජයේ වැඩසටහනකදී සිදුකළ ප්රකාශයක් තුළින් අධිකරණයට සිදුවූ අපහාසය අහෝසි නොවන බව සමගි ජන බලවේගයේ නියෝජ්ය නීති ලේකම් තාරක නානායක්කාර මහතා පවසයි.
“මේ අය බලයට ආවෙ ස්වාධීන අධිකරණ පද්ධතියක්, ස්වාධීන නීති පද්ධතියක් නිර්මාණය කරනවා කියලා. ඒ වුණාට මේ අය කරන්න හදන්නෙ, ලක්මාලි හේමචන්ද්ර මන්ත්රීවරියගේ ඒ වීඩියෝවෙ දැක්වෙන විදිහට අධිකරණ තීන්දු පවා ක්රියාත්මක නොකර ඉන්න රජයේ නිලධාරීන් බලපෑම් කරන එක. හැබැයි අපි රජයේ නිලධාරීන්ට කියනවා කරුණාකරලා ආණ්ඩුවේ අනීතික නියෝග පිළිපදින්න ගිහිල්ලා අමාරුවේ වැටෙන්න එපා. වටගල ඇමතිතුමා වාචිකව නිවැරදි කළාට ලක්මාලි හේමචන්ද්ර මන්ත්රීතුමිය කරපු අපහාසාත්මක ප්රකාශය අහෝසි වෙන්නෙ නෑ”
නීතීඥ තාරක නානායක්කාර මහතා මේ බව පැවසුවේ ඊයේ (17) කොළඹදී පැවති මාධ්ය හමුවක් අමතමිනි.
