සටහන – රුවන් නෙළුගොල්ල
පාතාල සම්බන්ධතා ඇති අයට හැර වෙනත් කිසිවෙකුට ජීවිත ආරක්ෂාව පිළිබඳ ප්‍රශ්න නොමැති බව කම්කරු නියෝජ්‍ය අමාත්‍ය මහින්ද ජයසිංහ මහතා පවසයි.
“මිදිගම ලසාගෙ ඝාතනයෙන් දවස් තුනකට විතර පසුව මේ වෙනකොට අදාළ සැකකරුවන් අත් අඩංගුවට අරගෙන තියෙනවා. නමුත් ඒ වැරදිකරුවන් පිටුපස ඉන්න දේශපාලනඥයින් කවුද කියන එකත් හෙළිදරව් වේවි. ඒ අය තමයි මේ වැඩිපුර කලබලයට පත්වෙලා තිබෙන්නෙ”
ප්‍රශ්නය – රාජ්‍ය ආයතනයක් ඇතුළටම ඇවිල්ලා තමයි මේ වෙඩිතිබ්බෙ ?
“සජබ පළාත් පාලන ආයතනවල සභාපතිවරු ඉන්නවා 35ක්, මිදිගම ලසාත් ඇතුළුව. දැන් මේ අනිත් 34ට හරි, එහෙම නැතිව අපි පාලනය කරන ආයතනවල සභාපතිවරුන්ට හරි අනෙකුත් පක්ෂ පාලනය කරන ආයතනවල සභාපතිවරුන්ට හරි මෙහෙම ප්‍රශ්නයක් මතුවෙලා නෑ. මහජන නියෝජිතයින්ට මේ විදියට වෙඩිතියලා මරලා දාන එකක් රටේ දකින්න නෑ. ඉතින් එවැනි සබඳතා තියෙන අයට තර්ජන එනවා, ජීවිත ආරක්ෂාව පිළිබඳ ප්‍රශ්න එනවා, එහෙම නැතිව අපි හිතන්නෙ නෑ වෙන කිසිවෙකුට එහෙම ප්‍රශ්නයක් මතුවෙලා තියෙනවා කියලා”
මහින්ද ජයසිංහ නියෝජ්‍ය අමාත්‍යවරයා මේ බව පැවසුවේ ඊයේ (27) දිනයේදී මාධ්‍ය වෙත අදහස් දක්වමිනි.
