ඔස්ට්රේලියා – ශ්රී ලංකා පළමු ටෙස්ට් තරගයේ අද තෙවැනි දිනයයි. ලකුණු 109 ක් පිටුපසින් සිටිමින් සිය දෙවැනි ඉනිම ඇරඹූ ශ්රී ලංකා කණ්ඩායම මේ වනවිට කඩුලු දෙකක් දැවී ලකුණු 39 ක් රැස් කරගෙන සිටී.
නායක දිමුත් කරුණාරත්න ලකුණු 23 කට දැවීගිය අතර පැතුම් නිශ්ශංකට ලබා ගැනීමට හැකිවූයේ ලකුණු 14 ක් පමණි.
මේ අතර ශ්රී ලංකා කණ්ඩායමේ මැදපෙළ පිතිකරු ඇන්ජලෝ මැතිව්ස්ට තරගය අහිමි වී තිබෙනවා. ඒ ඔහුට කොවිඩ් වෛරසය ආසාදනය වී ඇති බව තහවුරු වීම හේතුවෙනි. අද තරගය ආරම්භ කිරීමට පෙර ඒ බව තහවුරු කරගෙන තිබේ.
ඔහුගේ ස්ථානය සඳහා ඔෂධ ප්රනාන්දු කැඳවා ඇති අතර ඒ අනුව ඔෂධ ප්රනාන්දුට දෙවැනි ඉනිමේදී පන්දුවට පහරදීමේ අවස්ථාව හිමි වේ.
කොවිඩ් ආසාදිත මැතිව්ස් දින 05 ක නිරෝධායනය සඳහා යොමුකර තිබෙනවා.
UN
