වනඅලි අනතුරකට මුහුණ දී අනුරාධපුර රෝහලට ඇතුළත් කළ ජැක්සන් ඇන්තනි මහතා මේ වනවිට කොළඹ ජාතික රෝහල වෙත මාරු කර ඇති බව වාර්තා වේ. ඔහු මේ වනවිට කොළඹ ජාතික රෝහලේ දැඩිසත්කාර ඒකකයේ ප්‍රතිකාර ලබමින් සිටී.
ඊයේ රාත්‍රී 10 ට පමණ ජැක්සන් ඇන්තනි මහතා ගමන් කරමින් සිටි කැබ් රථය අනුරාධපුර තලාව මාර්ගයේදී වනඅලි ප්‍රහාරයකට ලක් වූ අතර වනඅලියා කැබ් රථය මතට ඇදවැටී තිබෙනවා.
මෙම අනතුරින් ජැක්සන් ඇන්තනි මහතා ඇතුළු තිදෙනෙකු තුවාල ලැබූ අතර අනෙක් දෙදෙනා මේ වනවිට අනුරාධපුර රෝහලේ ප්‍රතිකාර ලබමින් සිටී. ඔවුන්ගෙන් එක් අයෙකු දැඩිසත්කාර ඒකකයේ ප්‍රතිකාර ලබන අතර අනෙක් පුද්ගලයා සාමාන්‍ය වාට්ටුවක ප්‍රතිකාර ලබන බවයි වාර්තා වන්නේ.
මෙම අනතුරින් කැබ් රථයටද බරපතල හානි සිදුව තිබේ.
UN
