කොළඹ LNW: පළාත් සභා ක්රමය හා එම මැතිවරණය පැවැත්වීම සම්බන්ධයෙන් තීරණය කිරීම සඳහා විශේෂ තේරීම් කාරක සභාවක් පත් කිරීමට රජය තීරණය කර තිබේ.
ඒ සම්බන්ධයෙන් වන යෝජනාව රාජ්ය පරිපාලන අමාත්යාංශයේ කාරක සභා විවාදයේදී විෂයභාර අමාත්යවරයා විසින් ඉදිරිපත් කිරීමට නියමිත බව අමාත්ය බිමල් රත්නායක මහතා අද (15) පාර්ලිමේන්තුවේදී පැවසුවේය.
අමාත්යවරයා මේ බව සඳහන් කළේ පළාත් සභා මැතිවරණය සම්බන්ධයෙන් විපක්ෂ මන්ත්රී දයාසිරි ජයසේකර මහතා මතුකළ ප්රශ්නයකට පිළිතුරු දෙමිනි.
ඒ අනුව විශේෂ තේරීම් කාරක සභාව පත්කිරීම සම්බන්ධයෙන් වන යෝජනාව හා ඊට අදාළ පැහැදිලි කිරීම කාරක සභා විවාදයේදී සිදුවනු ඇත.
ආශිකා බ්රාහ්මණ
