රෂිකා හෙන්නායක නොවැම්බර් 19, කොළඹ LNW :
වෙරළ ආරක්ෂක දෙපාර්තමේන්තුව විසින් රු.මි. 703කට අධික වටිනාකමකින් යුත් අයිස් මත්ද්‍රව්‍ය තොගයක් සිය භාරයට ගත් බව පවසයි.
බෙන්තර වෙරළ තීරයේ සහ ඔබ්බෙන් වූ මුහුදේ සිදුකල විශේෂ සෝදිසි මෙහෙයුමකදී ශ්‍රි ලංකා වෙරළ ආරක්ෂක දෙපාර්තමේන්තුව හා පෑලියගොඩ අපරාධ විමර්ශන කොට්ඨාශය විසින් මෙම මත්ද්‍රව්‍ය සොයාගෙන ඇත.
එහිදී අයිස් මත්ද්‍රව්‍ය කිලෝග්‍රෑම් 43යි ග්‍රෑම් 968ක ප්‍රමාණයක් වෙරළ ආරක්ෂක දෙපාර්තමේන්තු භාරයට ගෙන තිබෙන අතර, වෙරළ ආරක්ෂක දෙපාර්තමේන්තුව සඳහන් කළේ, අත්අඩංගුවට ගත් මත්ද්‍රව්‍ය තොගය වැඩිදුර විමර්ශනය සහ ඉදිරි නීතිමය කටයුතු සඳහා පෑලියගොඩ අපරාධ විමර්ශන කොට්ඨාශය වෙත භාරදුන් බවයි.
