ජාතික ජන බලවේගයට බලය හිමි සොරණාතොට ප්‍රාදේශීය සභාවේ අයවැය දෙවැනි වරටත් පරාජයට පත්ව තිබේ.
අද (21) දිනයේදී පැවති ඡන්ද විමසීමේදී එම අයවැයට පක්ෂව ජාතික ජන බලවේගයේ මන්ත්‍රීවරුන් 6 දෙනා ඡන්දය භාවිතා කර තිබුණු අතර ඊට විරුද්ධව විපක්ෂයේ මන්ත්‍රීවරුන් 07 දෙනෙකු ඡන්දය භාවිතා කර ඇත.
සොරණාතොට ප්‍රාදේශීය සභාවේ සමස්ත මන්ත්‍රීවරුන් ගණන 16 කි. ඒ, ජාජබට මන්ත්‍රීවරුන් 06 දෙනෙකු සහ විපක්ෂයට මන්ත්‍රීවරුන් 10 දෙනෙකු වශයෙනි.
විපක්ෂය නියෝජනය කරන ශ්‍රී ලංකා පොදුජන පෙරමුණේ මන්ත්‍රීවරුන් දෙදෙනෙකු අද දිනයේ සභාවට පැමිණ නොසිටි අතර අද සභාවාරය අතරතුරදී හදිසියේ අසනීප වූ සමගි ජන බලවේගයේ මන්ත්‍රීවරයකු රෝහල්ගත කර තිබිණි.
සොරණාතොට ප්‍රාදේශීය සභාවේ අයවැය ජාතික ජන බලවේගය විසින් මුල්වරට ඉදිරිපත් කළේ පසුගිය නොවැම්බර් 07 වනදා ය. එදින එම අයවැය වැඩි ඡන්ද තුනකින් පරාජයට පත්විය.
