කටුනායක අධිවේගී මාර්ගයේ ගමන් ගන්නා ප්‍රභූ රථ පෙළක වීඩියෝවක් අද සමාජ ජාලා මාධ්‍ය හරහා සංසරණය විය. මෙම ප්‍රභූ රථ පෙළ සම්බන්ධයෙන් බොහෝදෙනාගේ අවධානය යොමුව තිබූ අතර ඒ පිළිබඳව අවධානය යොමුකළ බහුතරයකගේ අදහස වූයේ ජනාධිපතිවරයා හෝ ඔහුගේ සමීපතමයන් පිරිසක් රටින් පිටවීම සඳහා කටුනායක ගුවන් තොටුපල වෙත ගමන් කරමින් සිටින බවයි.
මේ හේතුවෙන් කටුනායක අවට විශාල පිරිසක් ගුවන් තොටුපල පිවිසුම් මාර්ගයේ රැඳී සිටින්නේ අදාල ප්‍රභූ රථ පෙළ නතර කර ගැනීම සඳහායි.
ලංකා නිවුස් වෙබ් වෙත වාර්තා වන්නේ, ඉන්දියාවේ සංචාරයක නිරතව සිටි ආරක්ෂක මාණ්ඩලික ප්‍රධානී, විශ්‍රාමික යුද හමුදාපති ශවේන්ද්‍ර සිල්වා මහතා රැගෙන ඒම සඳහා කටුනායක ගුවන් තොටුපල වෙත අදාල රථපෙළ ගමන් කරමින් තිබියදී කිසියම් පුද්ගලයෙකු එය වීඩියෝ කර සමාජ ජාලා මාධ්‍ය වෙත මුදාහැර ඇති බවයි.
ඒ අනුව අදාල ප්‍රභූ රථ පෙළ, ගෝඨාභය රාජපක්ෂ මහතා හෝ ඔහුගේ සමීපතමයන් ගමන් ගන්නා රථ පෙළක් නොවන බව තහවුරු වී තිබේ.
UN
