රටේ වත්මන් අර්බුදකාරී තත්වය සම්බන්ධයෙන් සාකච්ඡා කිරීම සඳහා පාර්ලිමේන්තුවේ පක්ෂ නායකයන්ගේ රැස්වීමක් අද පැවැත්වීමට නියමිතය. කතානායක මහින්ද යාපා අබේවර්ධන මහතාගේ ප්‍රධානත්වයෙන් පක්ෂ නායකයන් පස්වරු 02 කට රැස්වන බවයි වාර්තා වන්නේ.
ගෝඨාභය රාජපක්ෂ මහතා අනිද්දා (13) ජනාධිපති ධුරයෙන් ඉල්ලා අස්වන බව කතානායකවරයා වෙත ලිඛිතව දැනුම් දී ඇති අතර ඉන් අනතුරුව පාර්ලිමේන්තු හරහා ගතයුතු ක්‍රියාමාර්ග සම්බන්ධයෙන් අද පක්ෂ නායකයන් අවසන් එකඟතාවයකට පැමිණෙනු ඇත.
ජනාධිපතිවරයා සිය ධුරයෙන් ඉල්ලා අස්වීමෙන් පසුව තාවකාලික ජනාධිපතිවරයෙකු පත්කර ගත යුතු අතර ඒ සඳහා අවස්ථාව හිමි වන්නේ කතානායක මහින්ද යාපා අබේවර්ධන මහතාටයි. ඔහුගේ පත්වීමෙන් මාසයක් ඇතුළත නව ජනාධිපතිවරයෙකු පාර්ලිමේන්තුව මගින් තෝරා පත්කර ගත යුතු අතර මේ වනවිට ජනාධිපති ධුරය සඳහා පක්ෂ විපක්ෂ මැති ඇමතිවරුන් කිහිප දෙනෙකුගේ නම් යෝජනා වී තිබෙනවා.
UN
