රෂිකා හෙන්නායක නොවැම්බර් 27, කොළඹ LNW :
රෝහල් ගත කළද මහින්ද රාජපක්ෂ ජනාධිපතිතුමාගේ තත්වය යහපත් බව නාමල් රාජපක්ෂ මහතා පවසයි.
මහින්ද රාජපක්ෂ හිටපු ජනාධිපතිවරයා කොළඹ පෞද්ගලික රෝහලකට ඇතුලත් කර ඇති බව නාමල් රාජපක්ෂ පවසයි. පවතින කාලගුණ තත්වය යටතේ ඕනෑම කෙනෙකුට උණ හෙම්බිරිස්සාවක් හැදෙන්න හැකි බවද නාමල් රාජපක්ෂ පැවසීය.මාධ්‍යවේදීන් නැගූ ප්‍රශ්නයකට පිළිතුරු දෙමින් ඔහු සඳහන් කළේ “එහෙම ලොකු අසනීපයක් නෑ.. වයසයිනේ” ලෙසයි.
තවද එසේ රෝහල් ගත කර ඇත්තේ වෛද්‍ය පරීක්ෂණ කිහිපයක් සඳහා බවද නාමල් රාජපක්ෂ වැඩිදුරටත් පැවසීය.
වෛද්‍යවරුන් විසින් පෙරදී නිර්දේශ කර තිබූ පරීක්ෂණ කිහිපයක් සිදුකිරීමට මෙහිදී කටයුතු කරන බවත් මහින්ද රාජපක්ෂ මැතිතුමාගේ සෞඛ්‍ය තත්වය යහපත් බවත් නාමල් රාජපක්ෂ වැඩි දුරටත් කියා සිටී.
