පසුගිය මාර්තු 31 වනදායින් ආරම්භ වී මේ දක්වා එකට පැවතුණු අරගලය අද (13) දිනයේදී දෙපාර්ශ්වයකට බෙදීමක් පෙන්නුම් කරමින් තිබෙන බව වාර්තා වේ.
එයින් කොටසක් ගෝල්ෆේස් අරගල භූමියෙහි රැඳී සිටින අතර තවත් කොටසක් පාර්ලිමේන්තුව අසල විරෝධතා පවත්වමින් සිටිති.
ගෝල්ෆේස් අරගල භූමියෙහි රැඳී සිටින පිරිසේ මතය වී ඇත්තේ පාර්ලිමේන්තුව අසල විරෝධතා නොපැවැත්වා ගෝල්ෆේස් අරගල භූමිය තුළ අද දිනයේ රැඳී සිටිය යුතුය යන්න වන අතර අනෙක් පිරිස දැනටත් කඳුළු ගෑස් ප්‍රහාරවලට ලක්වෙමින් පාර්ලිමේන්තුව අවට විරෝධතා දක්වමින් සිටිති.
මේ දෙපාර්ශ්වය සමාජ මාධ්‍ය ඔස්සේ එකිනෙකාට චෝදනා කරගන්නා ආකාරයක් ද දක්නට ලැබේ.
මේ අතරම අරගලය තුළ ක්‍රියාකාරී සමාජවාදී මත දරන්නන් සහ සමාජවාදයට එරෙහි මත දරන පිරිස් අතර ද මත ගැටුමක් පවතින බව පෙන්නුම් කෙරෙන අතර සමාජ මාධ්‍ය ඔස්සේ ඒ සම්බන්ධ තොරතුරු ද සංසරණය වෙමින් තිබේ.
