කොළඹ LNW:අධික වර්ෂාව හේතුවෙන් ආපදාවට පත් හලාවත මහ රෝහල නැවත දැනුම් දෙන තුරු එහි කටයුතු නවතා දැමීමට පියවර ගෙන තිබේ.
රෝහල මේ වන විටත් අඩි පහකට වඩා ජලයෙන් පිරී ඇති බව වාර්තා වෙයි.
මේ හේතුවෙන් රෝහලේ නේවාසිකව ප්රතිකාර ලබා ගනිමින් සිටි අසාධ්ය රෝගීන් ගුවන් හමුදා හෙලිකොප්ටර් යානා මගින් කොළඹ හා පුත්තලම රෝහල් වෙත පිටත් කර යවා තිබෙන අතර අනෙක් රෝගීන් ගංවතුර මට්ටම් යම් තරමින් පහව යාමත් සමග නාවික හමුදාව හා යුධ හමුදාව මැදිහත්ව වාරියපොල හා කුරුණෑගල රෝහල් වෙත යැවීමටද කටයුතු කර ඇත.
එමෙන්ම ජලයෙන් යටවීමත් සමග රෝහලේ සීටී ස්කෑන් යන්ත්රයට පවා හානි සිදුව ඇති රෝහල් අධ්යක්ෂකවරයා පවසයි.
රෝහල නැවත යථාතත්ත්වයට පත් කිරීමෙන් අනතුරු යළි එහි කටයුතු සුපුරුදු පරිදි සිදුකෙරෙනු ඇති.
එම දැනුම් දීම සිදුකරන තෙක් ප්රතිකාර කටයුතු සහ සයන සඳහා රෝහල වෙත පැමිණීමෙන් වළකින ලෙස රෝහල් අධ්යක්ෂවරයා ජනතාවගෙන් ඉල්ලා සිටියි.
