රෂිකා හෙන්නායක දෙසැම්බර් 15, ලෝකය (අවුට්බවුන්ඩ් ටුඩේ):
José Antonio Kast චිලී ජනාධිපති ධුරයට තේරී පත් වී ඇති බව විදෙස් මාධ්‍ය වාර්තා කරයි. José Antonio Kast ජයග්‍රහණය කර තිබෙන්නේ. 1990 දී හමුදා ඒකාධිපතිත්වය අවසන් වීමෙන් පසු තියුණුම දක්ෂිණාංශික පාලන තන්ත්‍රයේ හුවමාරුවකින් පසුවයි.
එරට මාධ්‍ය සඳහන් කරන්නේ, පාලක රජයේ සහාය ලබන වාමාංශික අපේක්ෂිකා ජෙනට් ජාරා සමග පැවති දෙවන වටයේ ඡන්ද විමසීමේදී කැස්ට් 58% ක ඡන්ද ප්‍රතිශතයක් ලබා ගත් බවයි . ප්‍රතිවාදී ජෙනට් ජාරා එහිදී 42% ක ඡන්ද ප්‍රතිශතයක් ලබා ගැනීමට සමත් ව ඇත.
දශක ගණනාවක් පුරා පැවති දේශපාලන ජීවිතය පුරාම, කැස්ට් දැඩි දක්ෂිණාංශික මතධාරියෙකු ලෙසයි සැලකෙනා අතර, දේශසීමා ඉදිකිරීම, ඉහළ අපරාධ සහිත ප්‍රදේශවලට හමුදාව යෙදවීම හා නීති විරෝධී ලෙස රට තුළ සිටින සියලුම සංක්‍රමණිකයන් පිටුවහල් කිරීම ඔහුගේ ජනාධිපතිවරණ යෝජනා වලට ඇතුලත් බව විදෙස් මාධ්‍ය උපුටා දක්වයි.
